NATURAL FARMER SENTHIL

பொதிகை வாசகர் வட்டம் கொடுத்த சிறப்பு       விக்கிரமசிங்கபுரம் அரசு கிளை நூலகத்தில் தன்னார்வ வாசகர்கள் இணைந்த ஓரு அமைப்பு பொதிகை வாசகர் வட்டம் செயல்படுகிறது.       2024 ஆம் ஆண்டுத் தொடக்கத்தில் வாசகர்வட்ட செயற்குழு கூட்டம் நடந்தது.   என் இளங்கலைத்தமிழ்ப் பேராசிரிர் திரு.பா. வல்சகுமார் பொருளாளர் ஆக என்னை முன்மொழிந்தார் . வாசகர்வட்ட கூட்டம்.      இதுவரை சமுதாயப் பணியை மக்களிடம் இருந்து விலகி மாணவர்களிடம் மட்டுமே செயல்படுத்திக் கொண்டிருந்த நான் நூலகத்துடன் இணைந்தேன்.      சிறு வயது முதலே சாதி மதம் பேதம் இல்லாமல் வளர்ந்த எனக்குப் பொதுமக்களில் ஒருவனாக இருந்து நூலகத்தில் பயணிப்பது கடினமாக இல்லை.      வாசகர்வட்ட உறுப்பினர்கள் வீடுகளில் நடக்கும் விழாக்களில் முழு மனதோடு கலந்து கொள்ள ஆரம்பித்தேன்.   நூலகங்களில் நடக்கும் விழாக்களில் அதிகம் கலந்து கொண்டு விடுவேன் ... சில நேரங்களில் சேர முடியாமல் போய்விடும்.      நூலக வார விழா - 2024 ல் நடந்த பேச்சுப் போட்டியில் கலந்து கொள்ள 17.11.2...

 2024 ஆம் ஆண்டு ஜூலை மாதம் எட்டாம் தேதி திருவள்ளுவர் கல்லூரியில் வைத்து நடைபெற்ற முன்னாள் மாணவர் சங்க கூட்டத்தில் கலந்துகொண்டு பேசினேன். தேசிய தர நிர்ணய குழுவின் முன்னிலையில் கல்லூரியின் வளர்ச்சி பற்றி சிறப்பாக எடுத்துச் சொன்னதாக நினைவு.  மலரும் நினைவுகளாக என் கல்லூரி காலம் தாலாட்டியது.  உணர்ச்சி பெருக்கு என் உள்ளத்தில் ஊற்றுப்போல பொங்கியது... ஊற்றினை எங்காவது அணை போட வேண்டும் என்பதால் இந்த வலைப்பூ தளத்தில் இறக்கி வைக்கிறேன் என் உள்ளத்து உணர்வுகளை வாசிப்பீர் நண்பர்களே குறை இருந்தால் தெரிவிக்கவும்... பன்னிரண்டாம் வகுப்பு முடித்த பிறகு என்ன படிக்க வேண்டும் என்ற எந்த முன்னறிவும் இல்லாத குடும்ப சூழல் . அருகில் இருக்கக்கூடிய திருவள்ளுவர் கல்லூரி தான் நான் செல்ல வேண்டிய நிலம் என்பதை இறைவன் எனக்கு அறிவித்தான்.